Honthon ki muskaraahat mein,
Aankhon ki nami chupaate hain.

Chalne ka dil nahin,
Phir bhi hum daudte jaate hain.

Haklaake kucch shabd dauhraate,
Khud pe thopi bhaasha badbadaate hain.

Manzilon ka thikaana nahin,
Jaane kiss raste ki oor badhte chale jaate hain.

Hum kya chahate hain,
Aaine ka saamna karne se ghabraate hain,
Ek paraayi zindagi jeete hain,
Roz aansu peete hain,
Roz aansu peete hain.

Advertisements